ṬHITAW HLAN IH VIRGIN TEST NAK DODAL TU MI PATHUM VUAK TUAR

India pune ih ṭhitaw puai an tuah nakah Kanjarbhat community pawl ih ṭhitaw zaan mo nu Virgin test nak an tuah ṭheu mi daan dodal tu mi pathum cu minung 40 lenglo in an thawi.

Kanjarbhat community daan ah cun an miphun pi ṭhitaw an um sile an neiaw zaan ah mo nu a virgin maw virgin lo ti test nak an nei ṭheu ih a virgin lo si le an hrem ṭheu. Hi daan ṭhalo hi mino ṭhenkhat in a dodal duh pawl hrangah “Stop the V ritual” timi app an tuah ih an duhlo thu langternak an nei ṭheu.

Vuak tuar mino pathum hi cumi group lakih telve an si ih an thawi nak ah sizung tiang an thleng. A vuaktu minung 40 lak ihsin mi pahnih cu an kai zo ih a tang dang cu an hawl rero lai.