ANGELINA JOLIE IN JORDAN UM SYRIA RALTLAN PAWL TONG NAK A NEI

Hollywood lemcang thiam hminthang Angelina Jolie cun Syria refugee pawl um nak Jordan ram Zaatari ah feh in syria raltlan harsa pawl tong nak a nei ih syria ramsung buai nak a tawp thei daan ding ngaituah zang a ṭul thlang thu sim nak a nei.

Syria ram nasa tak ih buainak a thlen thok ihsin voi 5 a fehnak asi ih ral ram ih hrasatuar pawl ei-in le hnipuan tivek bawmnak kan pek mi hin ralbuai a ti tawp theilo ih ram hruaitu karlak ih rulrem theihthiam aw nak sawn lawng hi ralbuai titawp theitu asi zia simfiahnak a nei.

UN ih tuahmi community program ih um innsang pawl le fala tleirawl pawl tong in thapeknak khal a nei cih.
Syria raltlan hi Jordan, Lebanon le a kiangkap ram dangdang ih um an tam ih raltlan zaten 5.5 million hrawng an kim.