1999 KUM HRAWNG IH LAAR WESTLIFE CUN 2018 SUNG AH HLA SUAHSAL TUM

Kum 2012 ih a kekkuai ṭhehmi leitlun hminthang Irish boy band Westlife pawl cu tukum sung ah reunion nak nei in hla suahsal an tum. Asinan 2004 ih westlife tlansantu Brian McFadden cu a tello ding ih pa 4 lawng an si ding.

Westlife boyband hi 1998, X factor judge Louis Walsh tawlrelnak ih dinsuahmi asi ih UK le asia ram ih larzet boy band an si. Awnmawi khawvel ih an tlanlen kum 14 sung ah 50 million luan record an zuar thei ih UK single Chart khal ah top 1 dinhmun in voi 14 rori an um.

2018 sung ih an suah ding mi hla pawl hi leitlun hlanganthiam hminthang pawl in an ngan sak rero zo ih Ed Sheeran khal in hlafing mal lai ngan sak a tum ve.

An band tlaksiat hnu khawi an hlo???

Nicky Byrne
An band a tlasiat hnu in Football Next Star reality show le The Hit show ah host tu a ṭuan. Sunlight timi single album a suah nan a hlawhtlinglo.

Nicky Byrne
Nicky Byrne

Kian Egan
Westlife band a um lai ihsin girl band “Wonderland” ah co-manager a ṭuan, nan an hlawhtlinglo ih The Voice of Ireland hlasak zuamaw tel pawl zirhtu ah kum 5 sung a ṭuan. 2014 ah “Home” timi album a suah ih Iris top 10 tiang a thleng ve.

Kian Egan
Kian Egan

Mark Feehily
An band a tlasiat hnu kum reinawn a hlo lawk ih 2015 ah Love is a Drug timi hla a suah. Fan khal tawkmawi a nei ih 2015 kum cem lam ah Fire timi album a suah sal ih UK chart top 25 ah a thleng thei ve.

Mark Feehily
Mark Feehily

Shane Filan
Westlife ih hlasak thiambik asi ih an band a kuai hnu in Universal Music thawn contract sign nak an nei. 2013 ah You an Me timi album a suah ih UK top 6, Ireland top 3 tiang a thleng thei ih tubaite khal ah Love Always timi album a suah.

Shane Filan
Shane Filan

Brian Mcfadden
2004 westlife band a suahsan hlan ihsin hnaṭuan dang a nei phah ih a suak reilote ah Sony MBG thawn contact sign in Real To Me timi album a suah. 2010 ihsin 2012 tiang Australia’s got talent judge ah a ṭuan ih show dangdang ih promotion tu khal asi. Tufang ah cun Boyzone boy band ih hlasak Keith Duffy thawn Boyzlife timi hmin hmang in hlasak in an vak.

Brian Mcfadden
Brian Mcfadden