AFGHANISTAN AH MAGNITUDE 6.1 HRAWNG IH NA LINGHNIN NAK SUAK

Afghanistan le Tajikistan border tawn hlat lemlo ah 6.1 magnitude hrawng ih cak linghnin nak asuak thu US Geological Survey in a phuang.

A thuk lam 191 km hrawng ih hnin asi ih Delhi-NCR, Jammu & Kashmir le Rajasthan tiang in a tlir ban. Sunlai padir ih thilcang asi vekin mi tamsawn cu hnaṭuannak ah an um hai ih an hnaṭuannak hmun ihsin inn leng ah an suak thluh. Linghnin ruang ah Delhi Metro pawl khal reilote an cawl ter lawk.

Kan dung zerh sung ih minung 130 thi boom puak nak Kabul khal ah theihtham fangfang ten a rak tlir ban ve ih buainak nei cia tiah an thinphang cia ringring thawn innleng ah an suak thluh ve.

Tutiang news a suak mi ah cun nauhak pakhat a thi ti bak lo cu linghnin ruangih khawngaw hriamhma tuar an um hrih lo.

ref::TheHindu