AMEN TIN COMMENT AW LA SHARE AW TIMI FACEBOOK BUMAWNAK (FACEBOOK LIKE-FARMING)

Zangfak um zet mi damlo nauhak zuk, taksa kimlo zuk tivek post in mi zangfahnak thinlung na nei ngai asile like pek in comment nak ah AMEN ti`n ngan aw la na rualpi sungkhat pawl hnen ah share aw tivek, Jesus cross phur lai zuk hmang in kan mah minung pawl rundam dingah Jesus kan ai ah a thi ti na zum ngai asile AMEN ti`n comment aw la share aw  tivek an post mi kan share hnuaihni mi FB ah kan hmu ttheu ding ka zum.

Hivek an post ttheu mi zum takin kan comment ih kan share ttheu mi pawl hi bumawnak scam phunkhat a rak si ih “Facebook Like-Farming” tin an ko. Google ih mi zuk aw mi lak in an edit ih Facebook ah an post sin ttheu.

An page hmin a thang tawk le like tu kan nei tam tawk an ti in scammer dang hnen ah an page cu an zuar. A leitu scammer pawl cun page like tu pawl ih personal information lak in mi scam nak ah an hmang sawng sin. A caancaan le nauhak cancer nei bang ih an edit mi zuk hmang in an page like tu pawl hnen ah bawmnak an dil ttheu.

Hi scammer pawl hi mi ih an zum thei nak dingin pastor hminthang hmin, biakinn hmin le mi harsa pawl bawmtu NGO hmin tivek an hmang ih mi an bum. Kan nih in le taktak ah ruat in kan rak like ih kan rak share sak ciamco ttheu.