APPLE COMPANY IN iPHONE HLUNDEUHPAWL TI MUANG HRIM

Iphone hmangtu pawlin tulaifang an iPhone amuangmi thu online ah titii nak an nei ih apple company in a muang terhrim siding ti an zum thu, thuthang a suakmi cu Apple company in a si ngaingai thu a phuang aw.

Apple company cun phone tamsawn ih an hmanmi lithium-ion batteries hi kan charger hmanmi, voiziat kan charge, kan umnak a hlum/dai zirin hna a ṭuan nan a tlangpin kumhnih kan hmanhnu cun a ciangkuang tuk nawn lo. Curuangah iphone hlun deuh (iPhone 6, 6 plus tvp) hmang pawl an batteries rei a deih theinakding hrang ih kan timuang hrimmi a si an ti. An website khalah customer pawl ngaidamdilnak ca an tar.

Asinan US, Europe le Israel ram ih customer hrekkhat cun iPhone hmangtu mipi pawl theiter hmasaloin a thupthiar ih thil an tuah hi (violation of consumer law) daan pahbal asi. iPhone thar ansuahmi khawngduh ruangah a hlun pawl an ti muang hrim mi a si ding ti`n tayacuai an tum thu theih asi.