AUNG SAN SUU KYI INN HRUANGKULH SUNG IH MEISA ALH PALANG (Molotov cocktail) DENGTU KAI NGAH ZO

Yangon, Bahan ih um kawlram state Councillor Aung San Suu Kyi inn area sung ih meisa alh palang (Molotov cocktail) dengluttu cu an kaingahzo thu thunietu pawl in an phuang.

Meisa alh a dengtu hi North Dagon ih um Win Naing asi ih zaan duty hnaṭuan mi asi. Thuthang an report mi vek asile Win Naing hin February 1 zinglam 6:00 hrawng ah Aung San Suu Kyi innkulh sung ah meisa alh palang a deng ih a mah cu a tlanho. Police pawl in an hawl hngalh ih tuzing Feb 2 ah an kaingah sal.

“A thil tuahmi ruang ih hriamhma tuar cu an um lo. A thuhla cipciar in cu kan thei hrihlo nan a deng tu Win Naing cu kan kai ngah zo ih tuhi police zung ah a um” ti`n thuneitu U Tawng Thut (ဦးသောင်းထွဋ်) in simfiahnak a nei.