CHINA IN GUINNESS WORLD RECORD THAR PAHNIH NGAH

Vur (snow) par ih suaimi zuk tumbik le vur khal (ice) tuahsaubik world record thar cu China’s Jilin Province, Tonghua khua ah an tuahsuak.

snow zuk suaimi hi 2,220 square meters hnakin a tum ih a khal ṭhehmi Hunjiang tiva tlun ah an tuah. Leitlun ice bar saubik khal cu Hunjiang tivakap ah an tuah ih 100 meters hnak in a sau.

snow painting
snow painting

An tuahmi a pahnih in Guinness World Record in hminsinnak atuah ih 2011 US ih record le 2014 Russia ih record an ngahmi cu an neh riar.

Interview an nei nak ah Tonghua’s tourism development committee ih an director Yao Yuan cun leitlun ram tinkim ih tourists pawl kan khua ngaihven ih an tlawngduh theinakding duhsan ih kan tuahmi asi tin a sim.

Tonghua khua hi ice and snow lehpannak le wine industry pawl um nak hminnei khua a si.