CHINA PAWL CINGCING AN ROPI KO…

2001 ih an hmuhsuak mi Segway company tuah kehnih nei electric scooters cu an tuahmi vek ciah copy in a suah ve tu Chinese company Ninebot hnen ah a zuar lawlaw.

Kehnih nei electric scooter hi Segway company in a suah hnu reilo te ah chinese company cun a mah vek ciah copy in a zuar ve ih US ramsung tiangin a va zuar ban. Segway cun an company suahmi vek copy in a suah ve tu Ninebot company cu taya a cuai nan a hlawh tling lo.

An company suahmi hnakin a copy tu chinese company suahmi an khawngsawn ruangah le an tum vek ih an hlawhtlinglo ruangah 2015 ah Segway company cun Chinese Ninebot company hnenah a zuar lawlaw?

Chinese company cun ziangzet ciah in a lei ti cu a phuanglo nan a leinak dingah U.S. venture capital firm Sequoia Capital, Shunwei Foundation le Chinese smartphone suahtu Xiaomi company pawl hnen ihsin $80 million investment a dong thu a phuang.