CHINA RAM IH UM UPAT TLAK NAUHAK WANG FUMAN

January thlathok, online ih laarzet zuk sung ih kum 10 mi Wang Fuman cu bawmnak paisa a dong vivo.

An inn le a tlawngkainak hi peng 3 hrawng ih hlat a si ih -9C khawsik vur lak khal ah tlawng a kai ringring thotho. Nu le pa nei cu a si nan harsa tuk ruangah khawdang ih hnaṭuan ding in an feh san ih a mah cu an sungkhat pawl hnen ah an tanta. China ram ah harsat ruang ih tanta mi a mah vek nauhak million 10 lenglo an um.

Wang-Fuman
Wang-Fuman

A sam a ṭhong thluhmi zuk hi Zhuanshanbao primary school an tlawng headmaster Fu Heng in tlawng a rak thleng veten a zukmi asi ih a zangfahtu pawl hnen ihsin bawmnak £245,000 hrawng a dong zo.