DONALD TRUMP TTONG LE DUHSAN NEILO UICO AA BO – NORTH KOREA

January 16 ::: American President Donald Trump in North Korea pawl hnakih nuclear control nak tumsawn ka cabuai par ah hmet dingin a um hngalh tiin twitter ih a ngan mi cu North Korea pawl in hnihsuakza men ah ngai in uico aa bo men vek lawng ih an ruat thu letsalnak an nei.

Himi thu an sawnaw nak hi tuikumtir North Korea hotu Kim Jong-Un in a mipi hmai ah nuclear kap a ttul cun ka cabuai ah hmet hngalh dingin a control nak a um cia tin a ttong nakin an sawnaw thok ttan.

Kim ih ttongmi cu Trump in “Ei in ding khawpkham neilo khaai ram hotu pawl kha sim hnik uh ka cabuai ah an ta hnak ih tum nuclear control nak ka cabuai ah a um” ti`n nautat zawng in twitter ih a ngan san hai ruangah North Korea khalin duhsan umlo ih a bo rero mi Uico aa bo men vek a si ti`n zianghman siarlo in letsalnak an nei.