Edit cawp mi WhatsApp video ruangah mawhneilo mi pahnih That tuar lala

Tulaifang India hmun ṭhenkhat ah nauhak fir hmang an um timi thu a laar ih cumi thu thawn pehparawin mawhneilo mi pahnih that an tuar lala.

WhatsApp hmang in an kuataw sawng vivo mi video edit cawp ruangah a siih hih thuhla ruangah kandung thla sung lawngah mi 7 in that an tuar zo.

Tu’h that tuar pahnih cu Nilotpal Das (sound engineer) le Abijeet Nath (digital artist) an siih Assam state ih an fehnak hmun ah lamziin an hlo ih khuasung mipi pawl fehnakding lamziin an sut lai ah nauhak fir hmang ah ruat in miburpi in an thawi that mi a si.

Miburpi ih an thawi lai cu video an rak zuk ih an thawi mi 2 lak ih mi pakhat cun khukbil in ngaithiam a dil hai rero nan an duh cuanglo ih an thawi that thotho. Hih tualthatnak ih telve minung 16 pawl cu palik pawl in an kaai zo.

May thla khal ah nauhak thanthling pektu nunau pakhat cu nauhak fir hmang a si tiin an thawi that zo.
May thla khal ah nauhak thanthling pektu nunau pakhat cu nauhak fir hmang a si tiin an thawi that zo.

Buainak thoktertu WhatsApp video
Hih buainak tawthoknak cu WhatsApp video ruangah a si. Video sung ahcun bike to mipahnih in lamziin fehlai nauhak pakhat cu an thiar ih an tlan pi. “Khuasung ah nauhak fir hmang an thleng” timi cangan khal a tel. Asinan cuih video cu mipi ralrin theinakding duhsan in Pakistan ram ih zuk mi a si. Taktak bang dingin an edit bet mi a rak si.

Tuahcun himi video suakthoknak hawl in zingzoinak an nei rero lai ih video darh sin lo dingin social media ih zohciangtu team thar khal an din zo.

Hmun ṭhenkhat ahcun loud speaker thawn khuasung ah an vak ih video thuphan a si zia le hivek theiciang lomi video zumlo dingin mipi hnen ah thuthannak an nei rero. Video diklo share tu khal an kai tamzet zo.

ref:::BBC,IT,NDTV