Falam ah Hotel thar sak ding

Tuhlan kum 2 ihsin Falam, Cinmual golf course hmun ih hotel an sak tummi cu Adventure Myanmar le Falam Cherry company in tukum ruahsur tikcu (Fur) a cem hnuin sak thok an tum tiah theih a si.

Adventure Myanmar Co., Ltd ih ṭuanvo nei pakhat cun, “fur cem ih thok thei kan tum. Kanmahlam ih timlamnak ahcun sak thei zangzang kan duh na`n remcanlonak tete ruangah kan thok thei hrih lomi a si. Kan sak suak a si le a malbik khaan 40 le mipum 80 riak thei dingin kan sak ding” tiah a sim.

Hotel an sak nakding golf course hmun cu NLD cozah kaai pek lai ah Chin ramkulh ih khuapi 9 ah hotel 12 sakding tumtahnak thawn Adventure Myanmar le Falam Cherry company hnen ah ramkulh cozah in acres 11 luan veve a pek haimi a si.

Chinland Herald Daily News