CHIN NATIONAL DAY AH HLASAK ZUAMNAK FALAM IDOL TUAH DING

Tu kum 2018 ih a voi 70 nak Chin Phunpi Ni ah Hlasak zuamawknak (Falam Idol) a um ding ti`n thu theih a si. Hih hlasak zuamawknak cu Falam Evangelical Christian Youth Fellowship (FECYF) pawl ih haihhruainak thawn an tuah dingmi a si.

FECYF hotu Sy Puiaa in, “hlasak zuamawknak kan tuah tum sannak cu, Chin Phunpi Ni hi nihnih sung tuah ding a siih, a ni hnih te`n hluanghlai zet ih hmang tlaang theinak ding hrang tumtah in kan tuahmi a si. First Audition cu CND hmang ni a kim hlan in kan tuah cia ding ih, cutawk ih a tlinglakmi simifinal a kai thei pawl cu Feb 19 sun ah sunnivu in zuamawnak kan tuah ding. Final cu Feb 20 sunhnu ah tuah kan tum” ti`n a sim. Tu ahcun thuhla felfai in an rel hrih lo ih, tuzarh sungah felfai in an rel dingih thuhla fumfe in thannak an nei leh ding thu khal a sim bet.

“Tutiang cu tuah ding ti lawng kan rel lai, nili ni ah meeting kan to dingih cutawk ah ziangti`n kan tuah ding, laksawng ziang ka pe ding tivek pawl relfelnak kan nei ding ih thandarhnak kan nei leh saal ding” tiah FECYF sungṭuan Salai Semuel in asim. FECYF pawlkom cun Feb 6 sun ah hlasak zuamawknak tuahding thu relkhawm tlaangnak an neimi a si. Tukum Chin Phunpi Ni (CND) ah FECYF in humhualnak le hrinhnam laam pawl hrang a ṭulnak ah bawm ding an si ti`n CH in a tarlang.