FALAM KHUA IN RIAHBUUK 6 KAN NEI

Falam khuasung in mikhual pawl riak theinak riahbuuk 6 kan nei. Cu pawl cu Moon guest house, Holy guest house, Beauty Land guest house, Immanuel guest house, Taungzalat le CBC (JBB) pawl tla an si ih riahbuuk 6 ah mipum 106 riak a theih ti`n CH thuthang in a tarlang.

1. Taungzalat riahbuuk
Hih riahbuuk hi mi zakip riah theinak hmun a si lo.Khuallian thupi deuh pawl hrang ih tuahmi a si ih mipum 32 riak a theih. Inn-khaan 1 ah minung 2 riak theihmi khaan 16 a um. Khaan 1 ah ks. 35000 a si ih Falam zipeng zungin ṭuanvo a lakmi a si.

2. JBB riahbuuk
Hih riahbuuk ah mi pahnih riah theinak khaan 13 a um ih mipum 26 riak a theih. Riah man khiah a si lo ih mai` siantawk a hlu pek ding a si. A riaktu khal zuuin, kuva ei, kuakfawp pawl riak an siang lo. Khuallian thupi a si khalle rittheih tham lotu lawng riak theih a si.
Ph: 09-452054650

3. Moon riahbuuk
Hih riahbuuk ah mipum 17 riak a theih ih mi pakhat ah ks.5000 a si.
Ph:09-459594750, 09-774474996

Holy Riahbuuk
Holy Riahbuuk

4. Holy riahbuuk
Mi pahnih riak theinak 5 le single khaan 2 a um ih riakman ah mi pakhat ks.5000 a si.
Ph:0933350959, 09400305703

5. Emmanuel riahbuuk
Mipum 7 riak a theih ih mi 2 khaan pakhat ah ks. 15000, mi 1 khaan pakhat ks. 15000, mi 3 khaan pakhat ks. 20000 le special khaan pakhat ks. 20000 man pawl a um.
Ph:070-40153, 0933960880

6. Beauty Land riahbuuk
Mipum 12 riak a theih. Inn dot hnih nak ah mi 2 khaan pali a um ih khaan khat ah ks. 15000, inn tangta ah mi 1 khaan pahnih le mi 2 khaan pakhat a um ih mipakhat riakman ks.5000 a si.
Ph:09459517343, 0933348722

 

REF:::CH Daily News