Falam khuasung hmunhnih ah Leiminnak a cang

Tuhrawng ruah ceennak ruangah Falam khuasung, hmunhnih ah thungai thlak deuh in leiminnak a cang na`n inn le milai siatsuahmi a um lo tiah theih a si.

Pakhat cu kan dungzarh ah a cangmi a siih Pathangkhan tlunta ziin ih laziin kauhnak saklam ihsin a minmi a si.

Adang pakhat cu June 11 ah Pu Run Ro Thang inn thlanglam cang dawlnak a minmi a siih nikhua ṭhat lo ruangah leivawr hlon khal an ṭuan thei lo.

Palik le meithat pawl in hnaṭuan bawm ding in an fehnan nikhua a siatuk ruangah zianghman tuah thei loin an kir saal. Cuih a minnak hmun cu min bet lo dingin tipuan an khuh.

Falam municipal zung cun hitiih ruah ceennak ruangah inn kiangkap leiminnak cang lo dingah mah le dithlap tidai thlaknak pawl zohfel cio dingin innsang tin ah thuthannak a nei tiah theih a si.

ref:::Chinland Herald Daily News
zuk:::LalDinPui