Falam NRC in MRTV ih Program laksawng Ṭhabik a ngah

JICA laksawng ti khal in an komi MRTV ih program laksawng ṭhabik hrilmi ah Falam NRC ih zukmi Ṭaisun “Ṭaang Lawn Puai” (Tlaang kaai puai) in best production laksawng an ngah tiah theih a si.

Nikum ihsin pek thok a si mi hih laksawng cu ramhrin miphun 11 ih zukmi pawl sung ihsin a ṭhabik an hril ih an pekmi a si tiah Falam NRC zung ṭuanvo nei Mai Sui Ngun Par in CH a sim.

Ṭaang lawn puai tikcu ah Ṭaisun ah va feh in an va zukmi a siih a thu ngan, edit tuah le dunglam ṭongtu ah Mai Hniang Men Par, camera zuktu ah Salai Miza te pawl an si.

Ramhrin miphun tampi ih TV program pawl lak ah Falam ih NRC ṭuantu pawl in rampi huap laksawng an ngahmi cun Laimi hmin cawisangtu an si tiah Falam khua nu/pa ṭuanvo nei pakhat in a sim. Cuih MRTV laksawng cu April 2, Naypyidaw ah pek a siih camera zuktu Salai Miza in a va laak tiah CH in thuthang a ngan.

CH daily news