FEB 19 LE 20 AH CHIN PHUNPI NI TUAH A SI DING

FALAM:::A voi 70 nak Chin Phunpi Ni cu Feb 19 le 20 ah nihnih sung, Falam Hrang Ṭhio bualrawn ah tuah an tum thu theih a si.

Chin Phunpi Ni sunloih in lehpannak phun 5 khal tuah ding a siih Volleyball, Tennis, Arhmul thawi, Pingpong le Paih-kyaw zuamnak pawl a um ding. Ṭhuam naal kaai, lukham vuakaw le hridai dir zuamnak pawl cu Feb 20 ni ah tuah a si leh dingih adang lehnak pawl cu Feb 15 hrawng ihsin zuamnak nei ṭan ding a si. Dawr khaan tuah duhtu pawl khal in ni hnih sung dawr zuar theih a si dingih Saya Tuak Sang (09-400305510) hnen ah dawrkhaan man le tuah daan ding pawl zingzoi theih a si.

Hih ni 2 sung cu Chin Phunpi Ni upat peknak thawn khuasung dawr tuahtu zate in dawr phit cio dingah puai cangsuak tertu commitee in zangfah a dil ih kumdang vekin bualrawn ah hmunkhat ten caan hmang tlang dingin tumtah a si. Ni 19 zaan ah puai onnak program nei ding a siih Ni 20 zing, nazi 8 hrawng ihsin bualrawn ah Con Bik, Hlur Hmung, Thang Tin Lian le Vornthumaung sit-kyawng tiin veng 4 pawl in caanserh hman khawmnak neih a si ding.

ref:::CH