FRENCH RAM IH SEINE TIVAPI A ṬHANG VIVO (+Drone footage video)

Thlakhat zikte ruah ceen ruangah French ram ih tivapi Seine ti a lian ih khua 200 lai in harsatnak an tong ih hmun ṭhenkhat ah cun meisa khal an nei lo.

Paris khuasung khal ah nasatuk in ti a lian ih minung 1500 lai in himnakhmun hawl in an inn pawl an tlansan. Seine tivapi ih ti dai a ni nii in a ṭhang vivo ih a pangai hnak ih 13ft in a sang. Ṭih a nung tuk ruangah tourist pawl ih an hmang ṭheumi khawsung laawng pawl tidai par ih feh an sianglo ruang ah laawng company pawl tiang in paisa tampi an sung.

An record nak vek asile 1900 ihsin tuvek tluk ai ih luar deuh ti lian voi 2 lawng a um lai. Tuvek ziin ih Seine tivapi a ṭhang vivo asile tuizaan ah 13.2ft a thleng ding an zum.