GUITAR LEM CUANG HMUAN

Argentina ram ih um lo-thlo Pedro Martin Ureta cun fa panga an neihnak ih a thihsantu guitar duh zet a nupi duh tak Graciela Yraizoz (kum 25) theihhngilh lonak dingah a fa le pa 4 thawn thingkung 7000 hmangin Guitar lem hmuan tumpi cu an tuah sak.

Hi Guitar lem hmuan hi a tum tuk ih tlun vansang lawng in famkimten hmuh a theih.
A tuahtu Pedro Martin Ureta hi vanzam to ngamlo mi a si ruangah a tuahmi hmuan hi a mai` mit rorin tu ni tiang a hmu hrih lo. Mi ih an zuk cia mi zuk sung lawng ah a hmu.