HAKHA IN LAIVA TIDAI A DUH VE

Pu Henry Van Ṭhio cu Feb 2 ah laiva tidai laak hnaṭuan zoh dingin a thleng ih cumi ah Hakha khua nu/pa pawl in Laiva tidai cu Hakha mipi hrangih laak ve dingin an dil tiah CH Daily News in a tar lang.

11.5 billion cem in Timit ih tidai an laakmi a remcang theilo ruangah Laiva ih tidai laak ve dingin an dilmi siih VP2 cu tahfel hmaisa dingah a cah ta tiah theih a si.

Falam khua nu/pa ṭuanvo nei pakhat cun, “ahlan ah Laiva tidai laak dingin an zuam dah na`n Falam hrangah hman kan laak thei hrih lo ruangah a rem cang lo ding ti`n ca kan kuat dah zo. Curuangah Timit tidai laaknak an ngah mi a si. Atu ah Falam in Laiva tidai kan laakmi hman a remcang thei lo dinhmun a si ruangah Hakha khua nu/pa ih dilmi cu a remcang thei lo ding tiin Falam khua nu/pa lam in kan sim theiter saal ding” tiah CH Daily News hnenah a sim.

ref:::CH Daily News