HIMI HANGHNAH HANGRAH PAWL IN A LO TI THAU LO

Rilrawng cingin thau ding phang ah ei-in na supaw ṭheu maw? Hanghnah hangrah ṭhenkhat khalhi mi a ti thau theive ih cu pawl lakih calorie paimalzet le kan ei ruangih thau ding phan aumlo mi hanghnah hangrah pawl ka run ngan ding.

Anṭam (6kcal)
Anṭam hin 95% tidai a paitel ruangah kan taksa ṭulmi vitamin k 30% atel ruangah taksa hrangah aṭhazet. Calorie amaltuk ruangah na duhduh zet na ei khal le thau ah a feh lo.
Arti (17kcal)
Arti hi diet hrangah aṭhazet. Siti tello in rawlhmeh ih tuahdaan ruat awla taksa hrangah aṭhazet.
Salad (10kcal)
Salad hnah ah vitamin A, C, folic acid le iron atam zet. Calorie apai maltuk ruangah na thau a ti tamlo.
Fanghma (16kcal)
90% tidai asi ruangah ahrisel zet.A hawng ah kan mit hrang ih ṭha vitamin a um ruangah na ei tik le a hawng thawn ei cih aw.
Kawpipar (35kcal)
Vitamin C le K atam zet ih taksa hrangah aṭha zet.A hring ih na ei theilen a ṭha sinsin.
Tomato (25kcal)
Lycopene, vits A, C, B2, Folic acid, potassium le fibre atamzet ruangah thau tih ih ei-in supaw pawl hrangah a ṭha hleice.
Motol (35kcal)
Protein le fibre dat atamzet hlei ah pawng 1 ah calorie 35 hrawng lawng atel ruangah taksa hrangah a ṭhazet.
Orange
Taksa hrangih ṭha vitamin C atamzet bak ah a hawng sung ih a varte ah fibre a tam ih thau sia pawl ati mal.na ei tel le a ṭha sinsin.