Hmunthup ih an ret mi Iron Man 1 original suit a hlo

Marvel suahmi zuknung pawl lakih hminthang, 2008 ih suahmi Iron man 1 zuknung sungih Robert Downey Jr hrukmi Iron man original suit cu an ret thupnak hmun ihsin zo ti theilo mi in an fir.

Pacoima, Los Angeles Movie Prop Storage ih an retnak hmun ihsin a hlomi a si ih tlawngkai nihnih ah Los Angeles palik pawl hnen ah an report. Iron Man thuamhnaw lawng si loin thil dangdang khal a hlo nan Iron man suit hlo mi lawng an report.

Cuih suit cu $325,000 man hrawng a siih a hlonak innpi ih hnaṭuan pawl cun February le April 25 karlak hrawng ih hlo mi siding an zum.

Hih thu thawn pehpar in zingzoinak nei rero laitu LAPD ṭuanvo nei palik pakhat cun, “Iron man suit a hlo nak innpi ih hnaṭuan pawl in tlawngkai nihnih zaan ah an report mi a siih thuhla um daan ahcun rukru in fir mi si ding zum a um” tiin Los Angeles Times hnen ah a sim.

ref:::mashable