HRIAMHREI TAM ZET KOL TU KARAOKE DAWR IH HNAṬUAN 15 KAI TUAR

Myanmar ::: Hlaing-Tharyar, karaoke dawr pakhat ah Funghreu, namte le hriamhrei an thup ti thu theihnak in police pawl in an va check ih hriamhrei pawl an hmu ngaingai ruang ah karaoke dawr manager tel in minung 15 an kai.

February 1 ihsin Hlaing-Tharyar khau ih um fifir, rittheihsi zuar le misual daanpahbal pawl hawl ih kai ṭheh dingin daan thar an suahmi vekih kai mi an si.

Daanthar an suah hnu February 1-2 sung ah daanlo ih hriamhrei nei, paisa betting, rittheih si le vai zuar case pawl tel in case 296 a um zo thu Hlaing-Tharyar thuneitu pawl in an phuang.

ref:::mizzima