Hungarian Suicide Song “Gloomy Sunday”

Hungary composer Rezso Seress le a rualpa Laszlo Javor in 1933 kum ah “Gloomy Sunday” timi riahsiat hla pakhat an rak phuah. Hla danglam zet pakhat a si ih a phuahtu Seress a fala nu ih a tlansan ruangah a riahsia nak langter le thih hnu pialral ram ih tongawsal a duhnak hla a phuah mi a si ih, hla an release reilo te ah a fala nu cu a mahten a that aw.

Hi hla hi an suah pekte ah cun a lar ciamco lo nan a hla ngaitu/a ngaihventu mi tam nawn an thi ti thuthang a um hnu in mi thei a hlawh zet ih Hungarian Suicide Song ti tiangin an ko.Mihrek ih tidanvek asile hi hla thawn pehpar ih thi Hungary ramsung lawngah minung 17 lai an kim. Thenkhat cu hi hla ngai phah in thi na, mah le mah thataw zik ih suicide note ah hi hla cafang tel in le a hla lyric cahnah keng phah ih thi tin a phunphun in an um ruangah Hungary cozahpi in an ram radio ah a suah siang lo.

1936 kum ah mirang tong in mi tamnawn in an let ih mirang hla in an sak. Mi tthenkhat ih report danvek asile Mirang hla ih an let hnu khalah a hla thawn pehpar ih thi minung 200 lenglo an kim ti si. BBC pawl khalin 2001 tiang hi hla hi an network ih play an sianglo. Hla a phuahtu Rezso Seress khal a hla a phuah hnu kum 35 rei 1968 ah a um nak sangkate in a dawp that…

na ngai ngam asile youtube link

https://www.youtube.com/watch?v=55FP1LfkkVQ