INDIA THUNEITU PAWL IN DELHI COZAH TLAWNG ZATE AH CCTV BUN TUM

Delhi um cozah tlawng zate`h cazirnak khansung pawl ah India cozah cun CCTV bun ttheh tum in a cangvai thok rero thlang. An tumtah vek ih an tuahsuah thei ah cun nu le pa pawl in an fa le tlawng an kai lai cu app hmang in inn ihsin duhtawk an rak zohthei thlang ding.

CCTV an bun tumnaksan cu 2017 september thla ah Gurgaon, Ryan International School ih tlawngkailai kum 7 mi nauhak a zunthawh lai namte thawn a hngawnghlep in thah a tuar ruangah le hi buainak a sosang tak lai ah Delhi ih tlawngkailai kum 5 mi nunau rape a tuar rung ah an bun tumnak a si.

India cozah ih CCTV buntum thu thawn pehpar in nu le pa tthenkhat cun an lung a kim pi nan mi hrek cun an rak duhve lo. A duhlotu tamsawn cun tlawngkailai nauhak pawl in camera thawn in zoh ringring ti an theih cun a thupthiar ih thiltuah an thiam ding ih mibum an hmang phah thei hlei ah an nuncan le an ziaza tiang in a siat phah thei ti zumnak an nei.