Kalaymyo Veng Lal thar pawl Training an Pek

Kalaymyo ih veng lal pawl, hnaṭuan an thiam theinak ding tumtahnak thawn April 2 ihsin 6 tiang training pek nak an nei rero tiah theih a si.

Kalaymyo ah veng 19 a um ih, venglal hrilawknak an nei hnu March 31 ahkhan veng lal thar pawlin sinak an kai thok ih, cuih veng lal thar pawl cu hnaṭuan an thiam theinak dingah tiin April 2 ihsin ni 6 tiang training nei vivo ding mi an si.

Hih Tahan veng lal hril thuhla ah thil fello a um tivek thuang a um. Tahan veng lal an hrilmi Pu Zam Do Nang vote petu ah hmin le hmatpungtin number a umlo mi tampi a um tivek le, vote pe thei zat hnakih tam vote a um tivek in report awknak thuthang a um ih, U Zam Do Nang cun, “Himi thu ah thil diklo a um ka zum lo ih, a thlatu mipi in a thlakdan an thiamlo ruangah a si sawn ding ka zum, cule thuneitu hnenih hivekih report nak khal hi lehhnu lamah ralring dingin an tinak a si ding ka zum” tiah a sim.

Tuisun meeting kai, Myohla veng lal Pu No Ir Thang khalin, “Cuvek thubuai a um kan thei lo” tiah a sim tiin Lairawn Post cun a ngan.

Hram:::LR