KAWLRAM SUNG AH MARIJUANA ZALEN TAK IH HMANG THEIH DING IN CANGVAI THOK

Leitlun minung um 57% in free tak in hman theih ding ih lungkim pi mi sii-chuait (ဆေးခြောက်) cu kawlram sung khal ah zalen tak ih hman thei ding in “Marijuana Legalization Movement Myanmar (M.L.M.M)” pawlkom in cangvaihnak anei thok rero thlang.

M.L.M.M hi December 18, 2017 ih dinmi asi ih an tumtah mi cu cozah in rittheih thilri ih a ret mi sii-chuait phunkhat “Hemp” pawl zalen tak ih cing thei ding hi asi ih tukum January thla ihsin campaign tuahnak le angki zuk ah suah in cangvainak an nei thok rero zo. An facebook like tu khal 20000 hrawng an kim zo ih kawlram hmuntin ih um mino tamzet khal in an cangvaidaan hi an lungkimpi zet.

Marijuana Legalization Movement Myanmar
Marijuana Legalization Movement Myanmar

World Health Organization ih ca a suah mi pakhat ah cun Sii-chuait kung ih suakmi siti hi tuahdaan diktak ih kan tuah cun cancer, AIDS, thinlung taksa damlonak pawl taksa hrang ih effect um miah lo in a tidam thei ih US, Mexico le ram picang ṭhenkhat ah free tak in an hmang thei zo. North Korea khal in sii-chuait hin hnaṭuan duhnak thinlung a suak ter ti zumnak an nei ih tuhlan kum reipi ihsin an rak hmang zo.

Sii-chuait ah “Cannabinoids” tiih an ko mi CBD le THC a tel. THC cun kan taksa na, luaksuak, zan it theilo tipawl a ti hlo. Asinan kan hman tamtuk le cu thinphangnak, thil ṭihmi nei vek in kan um. CBD khal ah taksa na, zaan it theilo le nat phunphun a ti dam thei hlei ah kan thi feh daan a ti dik.

Tufang ah cun kawlram cozahpi in sii-chuait hi rittheih thilri ah a ret lai ih a hmangtu an kai ngah le community hna an ṭuan ter.