KUM 100 REI HNU IH A SUAK DING MI MOVIE (18/11/2115)

Kum 2015 ih an zukttheh zo mi 100 years (The Movie You Will Never See) timi film cu tuhnu kum 100 reihnu 18 November 2115 ah release an tum.

An film cu zohman ih daitheilo dingin bulletproof vault sungah an ret. Time Lock hmangin tawh an hren ih kumtinten France ram ih an tuah ttheumi ram dangdang ih Film thar zukmi an show nak Cannes Film Festival puai 18 November 2115 ni ah an lock nak vault a mah ten automatic ih ongaw dingin an tuah.

A film hi drama lampang a si ih a film thuanthu umtudaan cu zohman an theihter lo. A sung thuanthu hi a film cangtu John Malkovich nganmi a si ih Director Robert Rodriguez zukmi a si.