Kum 2500 hrawng ih Upa thingkung pawl danglam zetin an thi cuahco

Africa ram ih thingkung danglam Kum 2500 hrawng ih upa zo mi “Boabab” thingkung pawl cu kum 10 sungah zumumlo zetin an thi cuahco ruangah scientists pawl an mang a bang.

Researcher pawl in kum 2005 ihsin hih thingkung thawn pehpar awin zingzoinak an nei ih tuvekih puhmawhding um ṭhitha loih an thi cuahco mi in an mang a ti bang.

Thingkung dang vekin ceepte pawl in an ṭam nget ruangih thi mi a siloih a mah ten rocaar in a thi cuahco ruangah leitlun boruak hluum, boruak thlengaw ruangah a si bik ding an zum. Culodang puhmawh ding an theilo.

Scientific journal ih an nganmi ahcun zingzoinak an neimi thingkung 13 pawl lak ihsin thingkung 9 pawl cu rocaar in an thi cuahco ti a si.

Boabab thingkung pawl cu leitlun thingkung nunsaubik/phun uu bik lam an si ih kum 6000 hrawng tiang dam khal an um. A ṭek, a ngiang pawl cu leitanglam pan ih a ṭhang ṭheu ruangah “upside down tree” tikhalih an kawhmi thingkung danglam a si.

ref:::IT,ScientificJournal