KUM 4400 REI ZO THLANKHUR EGYPT PYRAMID KIANG AH AN HMU

Pyramid le mummies tambik um nak Egypt ram ih archaeologists pawl in tuhlan kum 4400 luanzo hrawng ih an tuahmi thlankhur hlun pakhat an hmusuak.

An hmu nak hmun hi Cairo khualeng pyramid pathum umnak kiangah asi ih 5th Dynasty Egypt uktu thawn pehzomawnak nei nunau Hetpet ih thlan asi ding an zum. A sung lam cu sentlung (uk khe) thawn tuahmi asi ih pharpar ih zuk an suai mi tla fiang peppep in a um lai nan a mah Hetpet ih ruang cu an hmu lo. Hetpet ih thilri a hmanrua pawl hi 1909 kum khalah an rak hmudahzo ih museum ah an ret ṭha.

Thlankhur an hmu nak pyramid kiang hi 19th century lai hrawng ihsin thil danglam zetzet tampi an hmu zo ih a ralaiding tikcucaan khalah an hmubet vivo ding ti zumnak an nei.