KUM 60 MI IN KUM 30 KAN BANG THLANG DING

PayPal founder billionaire Peter Thiel le milian hrekkhat in no ringring an duh ruangah researcher pawl ih mino thisen kan taksa sung ih kan dawt mi hin kan taksa a ti no in kan san a ti sau thei men ding ti zumnak an nei mi le research an tuah rero mi hi ngaih ven in paisa tamzet invest nak an nei rero lai ah Salk Institute, La Jolla, California scientists pawl cun minung kan taksa sungih in tar tertu cell pawl a thar ih cerh sal thei danding le kan vun olten tar theilo in 30% kan san a sau thei danding an hmusuak.

Hi an hmuhsuah mi hi zinghnam hmangin an test suak mi a si ih minung hrang ih hman thei ve ding in an tuah rero lai nan tuhnu kum 10 hrawng lawng ih suah thei ding an zum. An tum vek ih an tuahsuak thei a si ah cun kan taksa a no ter lawng si lo in kum 80 mi in kum 100 luan tiang an dam thei ding ti zumnak an nei.

Scientist hrekkhat cun tulaifang technology lam ih kan tthaso vekih kan tthansocak vivo a si ah cun tuhnu kum 50 sung ah a thi theilo mi minung kan tuahsuak thei ding ti zumnak an nei.