LEILUNGPI THAWN HLAT TUK LO AH BURJ KHALIFA TIAT ESTEROID TLAK DING

February 4 ah leitlun inn sangbik Burj Khalifa hnak ih tum deuh asteroid (2002 AJ129) cu kan leilungpi neih nawn ah a tlak ding thu NASA pawl in an phuang.

2002 AJ129 ti`h an ko mi asteroid hi tuhlan kum 14 lai ihsin NASA pawl in an thlingthla ringring mi asi ih a tlak cak lam ah leitlun aircraft cakbik hypersonic X-15 hnakin let 15 in a cak. A tum lam ah Dubai ih um leitlun inn sangbik Burj Khalifa hnakin mal te a tum deuh ih kan leilungpi neih zet in a tlak mi boruak lungto (asteroid) lak ih tumbik khal asi. Kan leilung thawn a hlatnak peng 2,615,128 hrawng ah a tlak ding. (Space ṭongkam in cu peng 2,615,128 hi nai takte asi.)

Burj Khalifa
Burj Khalifa

Space lungto hi kan leilungpi hrang ah ṭihnungzet asi ih Scientist pawl in kan um nak leilungpi ih rak um dah dinosaur pawl cii mittertu khal asteroid asi ding an zum.

“2002 AJ129 asteroid hi kan leilung hrang ah tih a nung lo ih boruak kan zoh dan ah tuhnu kum 100 tiang kan leilung hrang ṭihnung ding khawp ih tlak ding mi esteroid a um hrih lo” ti`n NASA in simfiahnak an nei.

Kan Leilungpi zawn ah tlak bang sehla kan kham thei maw???
Thei lo. Kan leilungpi siatter theitu thil pawl lak ih ṭihnung lam asi ve ih tutiang cu a kham dan ding an thei hrih lo. Lei par a thleng hlan ah nuclear in kap bang sehla le a pheldarh mi leitlun hmuntinkim ah a tlak ding ih um zia a nei lo.
Option um sun pakhat cu boruak par ih a um lai ah kan leilung pial ding ih force nazet ih kap hi asi ih NASA pawl in tufang ah an tuah rero lai. An tuahsuak thei ngai asile 2024 ah test an tum.