LEITLUN THIL MAN KHUNG BIK A HLO MI 20 PAWL

Leitlun thil man khung bik a hlo mi 20 pawl lak ih hrekkhat..
A ṭhen cu an hmusal nan a hrekkhat cu tuni tiang a hlolan ta….

20. Gibson Stradivarius : $15 million (£11.6m)
Italy ram ih awnmawi hmanrua tuah thiam Antonio Stradivari in kum 1713 ih a tuah mi a si ih voihnih an fir zo. 1919 ah voikhat a hlo ih an ngah sal nan 1936 ah a hlo lala. A fir tu an theilo nan musician Julian Altman in a thih zik te ah an nu hnen ah a mah in a fir mi a si ti a phuangaw ih an nu cun 1988 ah thuneitu pawl hnen ah a up sal. Tufang ah $15 million (£11.6m) a maan ih violinist Joshua Bell kutsung ah a um.

GIBSON STRADIVARIUS
GIBSON STRADIVARIUS

19. CARAVAGGIO’S NATIVITY WITH ST. FRANCIS AND ST. LAWRENCE : $20 million (£15.5m)
Italian artist hminthang Caravaggio in 1609 ah a suai mi a si ih Palermo, Italy ram ah an ret. 1969 ah zuk suai mi dang pawl thawn a hlo ih tuni tiang an hmu nawn lo. FBI pawl ih art crimes top 10 list ah a tel ve ih Sicilian Mafia pawl ih fir mi siding an zum.

CARAVAGGIO'S NATIVITY WITH ST. FRANCIS AND ST. LAWRENCE
CARAVAGGIO’S NATIVITY WITH ST. FRANCIS AND ST. LAWRENCE

18. PICASSO’S LE PIGEON AUX PETITS-POIS : $28 MILLION (£21.7M)
May 2010 France ram Musée d’Art Moderne de la Ville de Paris museum ihsin an fir mi zuk 5 lak ih telve a si ih a hlo mi 5 lak ah a man a khung bik. 2011 ah a fir tu cu an kai nan a fir mi zuk pawl cu a hlo thluh. A fir tu pa in hnawmpung ah a ret ta ih hnawmhne ah ruat in an hlon siat si ding an zum.

PICASSO'S LE PIGEON AUX PETITS-POIS
PICASSO’S LE PIGEON AUX PETITS-POIS

17. PATIALA NECKLACE : $30 MILLION (£23M)
1928 India, state of Patiala lal pa hrang ah an tuah mi a si ih diamond 2,930 a tel. Kum 1948 ah Patiala lal sui retnak ih sin ṭhenkhat a hlo ih hmun dangdang (london ram tiang) ah a ṭhek aw thluh. Leitlun Diamond tumbik pa sarih nak tel in an hmu sal hnuihni nan Kawlram suak ruby le diamond ṭhenkhat cu a hlo lan ta.

PATIALA NECKLACE
PATIALA NECKLACE

16. THIRD IMPERIAL FABERGÉ EGG : $33 MILLION (£25.6M)
Kum 1885 le 1917 karlak ah St. Petersburg, Imperial Russia ih um sui tuahtu in Russian royal family hrangah ar ti vek ih hlum in a tuah sak ih an ramsung buainak a suak lai ah a hlo. Kum 2012 American ram ih thirsia an zuar nak dawr ah a hlo mi hlum 8 lak ihsin pakhat an hmu sal ih $33 million (£25.6m) in an zuar.

THIRD IMPERIAL FABERGÉ EGG
THIRD IMPERIAL FABERGÉ EGG

15. VAN GOGH’S POPPY FLOWERS : $55 MILLION (£42.6M)
Hih $55 million (£42.6m) man pangpar sen le aire zuk hi 1887 ah Vincent Van Gogh in a suai ih voihnih a hlo. Egypt ram Cairo’s Mohamed Mahmoud Khalil Museum in a hlo ih kum 10 reihnu ah Kuwait ram ah an hmu sal. 2010 August thla ah a hlo sal ih tu tiang an hawl rero lai. Egypt billionaire Naguib Sawiris in a thuhla a theitu an um le $175,000 (£136k) ka pe hai ding ti`n thu a than.

VAN GOGH'S POPPY FLOWERS
VAN GOGH’S POPPY FLOWERS

Cahmai a sau deuh ruangah a tanglaimi pawl cu kan run peh leh ding….