LEITULUN IH TUM BIK THLI THIANGFAI TERTU “AIR PURIFYING TOWER” CHINA IN A TUAH

Leitlun minung karhzai cakbiknak ram China cun an ramsung thlisia pawl tifai ding ah Air Purifying Tower tum zet pakhat a sak.

Xian, Shaanxi province of northern China ah tuah a si ih a sanglam ah meter 100 (328 feet) a kim.A tawhram ih thlisia a retnakding thlalang inn hi football field hrek (10 square kilometers) tia hrawng in a tum. Thlisia a hip mi pawl cu thlalang inn sung ah solar energy hmang in an ti sa ih cu hnu ah an filter bet ih thlithiang a cang hnu ah an thlah leh sal.

A tuahtu lak ih telve Institute of Earth Environment hotu Cao Junji cun “kan thil tuahmi hi kan tumtah vekin hna a ttuan thei ih kan hlawhtling zet in kan thei. China ramsung hmun dangdang khalah tuahbet kan tum” ti`n thusimnak a nei.

News hrekkhat ih simdanvek asile china ram air pollution ruang ih thi mi kum 1 ah 1.6 million an um ti a si ih thlisia ruangih thi an mal deuh theinakding ruahsannak thawn Air Purifying Tower an tuahnaksan a si.