LEMCANGTHIAM MARK SALLING RUAK TIKAP AH AN SAR

Los Angeles ::: US Tv series Glee ih lemcang ve Mark Salling (35) cu Sunland-Tujunga hramlak tivakap ah a thi cia in a ruak an sar.

A ruak an sar nak hmun hi minung um lo ṭhing riapriap hmun asi nan police duty pawl in vanṭhathlak takin lamzinkap ih a cawlmi a motor an hmun nak ihsin thingkung par ih a thlaiaw mi a ruak an hmu bet mi asi. Thinharnak ruang ih a mah ten a awkaw mi si ding ti zumnak cu a um nan suicide note zianghman a tanta lo.

Mark Salling hi a thuanthu a mawilo zet. 2015 ah kumkimlo sex thuhla thawn pehpar in kai a tuar ih tukum march thla sung ih thuṭhensak ding asi. Kum 4-7 karlak thawngtlak thei dinhmun asi ih kum 18 thuai nauhak contact theilo, tlawng, park le nauhak um nak hmun neihtuk ih um theilo dingin kum 20 sung daantaat tuarmi asi.