MAGWE AH LAICA ZIRHTU DING MINUNG 300 KO

Magwe ramṭhen sungih acozah tlawng pawl ah Laica Zirhtu ding mipum 330 pawl cu hnaṭuan pek an si zo thu theih a si.

2017-2018 cazir kum ah township 13 ih tlawng pawl ah Laica zirhtu ding a diltu 501 an um mi sung ihsin 330 pawl cu Dec 20, 2017 ah hnaṭuan an lut ter zomi a si.Chin Affairs Minister (CAM) U Hla Tun cun, “Magwe ramṭhen ah Chin miphun ting 4.1 kan um ih ramṭhen ih 25.45% kan si” tiah a sim.

Laica zirh dingah nica thla hlawh pek in hnaṭuan an komi pawl cu Taungdwingyi ah 7, Minbu ah 1, Seṭukṭaya ah Asho ca zirhtu 26 le Uupu ca zirhtu 59, Ngaphe ah 43, Aung Lan ah 28, Kaanmah ah 28, Mindung ah 24, Minhlah ah 19, Sinpaung wei ah 9, Gangaw ah Hakha ca zirhtu 38, Zotung ca zirhtu 27, Qhilin ah Zotung le Cho ca zirhtu 2, Saw ah Uupu ca zirhtu ding 37 pawl cu hnaṭuan an pek zo. 2008 daan hrampi vekin Sagaing, Magwe le Rakhine pawl ah CAM neih a siih anmah pawl ih tawlrelnak in Laica zirhtu tawlrelmi a si tiah CH cun a tar lang.

ref:::CH