MAH TE THATAW TUM IN MI RIANGRI A THAT NGAH

California nunau pakhat cu a mahte thatawtum in a fehnakding silo zinpi lam ah motor a mawng ih a hmailam ih ra motor pakhat thawn pahawngah in mi pakhat a thi.

Thatawtum tu Grace Ward (28) sawn cu thilo in a hmailam ih ra motor mawngtu fa pathumnak neizik thlang kum 29 mi Ryan Folsom riangri sawn cu a nunnak a liam.

An pahawngah veten sizung ah an tlan pi nan Ryan Folsom cu a nat tuarlo in sizung ah a thi. A pah tu Grace Ward cu hriamhma natuk tuarlo in a ke lawng a kiak. Mithat case in taya an cuai ih court ah cun thu an rel sak hrih lo ih $1.5 million thawn bail thei dinhmun ah aum.

Ryan Folsom hi fapa pahnih nei zo asi ih a pathum nak nau an pai lai fang ih vansiat tong asi. A tanta mi a nupi le fate hrang ah bawmnak GoFundMe account an ong sak ih $300000 hrawng cu bawmnak an dong zo.