MALAYSIA POLICE PAWL HMAKPHEK TI THAWN KAP TU KAIH TUAR

MALAYSIA : Kuala lumpur ih inn-khan sang mirang nunau kum 42 mi cun a inn hlang nak ih ra palik le mi-tat pawl cu hmakphek ti (pepper spray) thawn a rak kap hai.

New Straits Times ngandanvek asile mirang nu le inn nei tu inn hlan contact an sign mi tikcucaan a cem zo ruangah hmundang ih ṭhawnaw ding asi nan a ṭhawnaw duh cuanglo ruangih thilcang mi asi.

“Inn neitu in biak dingin an feh ih sangka an ong tum ciah hmakphekti thawn arak kap hai. Report kan dong veten thuhla sutciang dingin kan feh ih a room sangka kan kiing veten hmakphek ti in, in kap ve” ti`n police pakhat cun asim. Reinawn an lem hnu lawng ah mirang nu cu an kai thei sal. Hmakphek ti thawn katuar police 8 le mi-tat 5 pawl cu sizung ah an tlanpi hngalh.

Mirang nu cu Malaysia daanbu Section 324 vekin taya an cuai ih US embassy lam khal thu an theihter zo thu police chief pakhat in sim nak anei.