MEXICO AH MISUAL PAKHAT IN MINUNG 9 KAP THAT

Mexico:::Monterrey ah TV bawlung sit zoh dingin inn pakhat ih umkhawm minung 20 pawl cu misual pakhat in meithal thawn a kap hai ih minung 9 an thi thu mexico news pakhat cun a phuang.

Mi 7 cu a hmun ah an thi cih ih mi 2 cu sizung an thlen hnu ah an nunnak a cem.Kap tuar pawl hi Kum 26-58 karlap mi an si ih drug thuhla ruangih buainak a thleng mi siding an zum.

TV interview an nei nak ah cun police pawl in cartel pawl thawn pehtleihawnak aumlo cu an ti nan an kap nak innsung ah drug an hmu hnuaihni.

Monterrey khua hi drug trafficker cartel tamzet umnak asi ih kan dung kum sung khal ah Gulf le Zeta cartels nasatak in buainak an nei ih drug thawn pehparaw ruangih mithi nitin in an um.