MITHI RUANG ITPI LAI VIDEO TIANG ZOH THEI NAK DARK WEB

Internet sung information hawl nak ih kan hmang ttheu mi search engine (Google, Yahoo, Bing tvp) pawl ih a hawl ban cin mi information pawl hi “Surface Web” ti`n an ko ih internet sung ih a um mi information 100% sung ah 8% hrawng lawng a rak hawlbaan thei. A dang a tang mi 92% pawl cu “Deep Web,Dark Web (Invisible web, Hidden web)” ti`n an ko.

Mi zaraan hmang thei lo ding ih tuah mi Deep Web sung hi kan hmang pa ngai Firefox, Chrome le search engine Google, Yahoo tvp hmang in hawl a theih lo. A lut theih nak ding ah Tor browser “onion routing” ti mi software hman a ttul.

Deep Web hi Hidden web a si vek in a hmang tu activity le zo in a hmang ti theitheih a si lo ruang ah mi tam zet cun sual tuah nak ah an hmang.

An ti dan vek a si le DARK WEB sungah cun….

Drugs zuar nak, Hlawhhlang hawl nak, Human traffic, Meithal zuar, Mi an tthat lai live ih zoh nak, Mithat duh hrang ih hlang theih mi minung le Mi thi ruang an ih pi lai paisa pek in live ih zoh thei nak website tiang a um hlei ah, nauhak it pi duh pawl um tlang nak community tiang in a um.

Asinan hi vek daan pah bal website tam sawn cu duhduh ih lut a theih lo.An mah website neitu lole an rintlakmi member sawmnak don a ṭul ih Mi hrekkhat cu daan pahbal in mi bank account an hack ter hnu lawng ah an member ih pawm an si.

FBI le CIA pawl in Dark Web sung ih daan pahbal website pawl hi a hawl ringring ih 2011 ih an tuah mi drug zuarnak website “silk Road” cu 2013 ah an rak shudown sak dah. A tuahtu Ross William Ulbricht “Dread Pirate Roberts” khal an kai cih nan thlakhat sung ah “Silk Road 2.0” timi drug zuar nak website midang in an tuah lala ih FBI in a rak shutdown sak dah.