MULUKOLH LE NAUHAK NU TE

Northeastern Africa, Sudan ram rawl ei-in ding harsa in paam a tlung lai ah The Bang-Bang Club ti`h an ko mi Photojournalist mi pa 4 sung ih tel ve South Africa suak Kevin Carter in rawl ei-in ding nei lo harsa ruangih thizik cuahco nunau nauhak le a sa ei ding in abawhtu Mulukolh azuk ngah mi hi ahmutu thinlungsung ah acaamrei ter zet.

Himi zuk azuk ngah hnu 26 March 1993 ah The New York Times in azuk an suah ih news tinkim ih rel ahlawh hlei ah Pulitzer Prize for Feature Photography lawm man tiang in adong. Asinan mi hrekkhat cun zuk lak cu sim lo ahmuh veten naute sawn cuh ih bawm ding asinan ti ih mawhthluktu tla an tam.

Award angah hnu interview an neinak ah na zuk ttheh ve ten zingnatuah tiih an sut tik ah ttongding theilawk lohli lo im mual a pho.A ne ta lam arualpi pawl ih simdaanvek asile a zuk ttheh hnu ah mulukolh cu adawi ta nan naute sawn tu cu ziang a cang leh ti cu an thei ve lo.

Azuktu Kevin Carter cu hi zuk ruang ih thusuh, mawhthluk atuarnak le Photojournalist attuansung ih raalbuai, Meithal thawn kahthatawnak tuksum rapthlak ahmuhmi pawl ruangah thinlungbuai in 1994 July 27 (aged 33) ni ah a motor sung ah akharpitaw ih a motor exhaust pipe thlisia pawl a motor sungah thlah in a mah le mah nunnak a lak aw.

Kevin Carter hi himi zuk ruangah mawhthluk cu a tuar nasa na Sudan ram ih rawleiding neilo mi harsa an tam daanzia Leitlun ramkip in an thei phah thluh.