Myanmar Idol Season 3 zuamnak ih Golden Ticket ngahtu Chin fala mawi Ni Len Par Mawi (+VIDEO)

Myanmar Idol Season 3 hlasak zuamnak cu April 1, 2018 ah an thok ih hmun tamzet ah, aw hniksaknak (audition) an nei. Kan dung baite Yangon ah auditon nak an nei ih cumi hlasak zuamnak ih tel vivo theinak Golden Ticket nagahtu 16 lakah kan Chin fala Ni Len Par Mawi khal hril a si ve.

Ni Len Par Mawi cun Me Me Khe hla “A Luan Yathar” timi hla thawn zuamnak a nei ve ih mi hriltu Myanmar Pyay Thein Tan mithmuh ahcun a tlinglo nan Tin Zar Maw, Yan Aung le Myo Kyawt Myaing pawl cun caan ṭha pek hrih an duh ruangah MI Season 3 hlasak zuamnak ih tel pehzom vivo thei dingmi a si.

Myanmar Idol cu kum 2016 ihsin an tuah thok ih tukum hi a voi 3 nakding a si. Tukum zuamnak ih pakhatnak ngahtu cu kyat ting 500 laksawng an pek ding hlei ah hla album pakhat an suahsak betding ti a si.

Ni Len Par Mawi cu Senthang peng, Dongva khuami a siih Hakha ah suak in ṭhanglian mi a si. Phun 10 a ong hnuah WYTU (West Yangon Technology University) ah a kai pehzom ih Electronic Communication Major in Bachelor of Engineering (BE) Degree a ngah.

Myanmar ram ih a voi khatnak tuahmi “Make Me Beautiful” ceimawi zuamnak khalah a tel dah ih pathumnak a ngah. Cuhleiah Galaxy Star Myanmar 2017 hlasak zuamnak khal ah a rak tel dah. Cei Mawi lam thiam zetmi a siih a thiam le thiamlo na theih duhle “NILENs MakeUp” Facebook page ah va leng aw.

***Myanmar Idol Season 3 cu tlawngkai ninga tinten zaan nazi 9, MNTV Channel ah Live in zoh theih ringring a si.

ref:::thechinexpress