MYANMAR scientist MI MI AUNG hoha nakin MARS leisen parah Helicopter fate thlah ding (+VIDEO)

NASA pawl cun Mars leilungsen umtudaan theifiang thei sinsin dingin zirnak an nei pehzom vivo ih tu khal ah kum 2020 ah Mars leisen par ih zam dingmi Helicopter fate an thlah tum thu an phuang.

Cuih Helicopter fate cu Myanmar scientist MI MI AUNG hoha nakin NASA’s Jet Propulsion Laboratory (JPL), California ah an tuah rero lai ti a si. Hih project cu 2013 ihsin an ṭanthok zoih tluangten an tuah suak thei a sile kum 2020, Mars lei par ih an thlah dingmi rover mawṭaw ah an telhcih tum.

An tumtah vekin 2021 kum thok ih Mars par ah tluangten a thleng thei a si le tuhlan ih an thlah zomi rover mawṭaw thlen thei lonak hmun pawl ah duh tawk in a zam thei dingih NASA pawl hrang ah ṭhathnemnak napin a suah thei phah ding an zum.

Himi vanzam fate cu Mars Helicopter Scout (MHS) tiin an ko ih a tuah nakah $23 million hrawng cem ding an zum. A pum huap in 14 cm cube Rotor diameter: 1.1 m (3 ft 7 in) hrawng a siih Helicopter pangai hnakin let 10 hrawng in a panka a heer cak. Mars khua sik lakih siat theilo dingmi technology an hmang ih ni tha hmang in a zam ding.

Himi tuahnak ih project manager Mi Mi Aung cun “Helicopter pangai cu a sangbik ah feet 40000 (12100 m) hrawng ah a zam. Mars par ih thli cu lei par thli ih zaṭek 1% hrawng lawng a siih kan thlah leh dingmi helicopter cu a sanglam feet 100000 (30500m) hrawng ah a zam ding” tiin a sim.

MI MI AUNG
NASA pawl zung a simi Jet Propulsion Laboratory (JPL) ah Mars Helicopter Scout project manager a siih JPL sungih nunau fimbik 14 lakih tel theive mi a si.

Kawlram ah a ṭhanglian ih kum 16 a si ah US ram a thleng.

University of Illinois ihsin electrical engineering (BS (1988), MS (1990) a ṭheh suakih NASA pawl ih rinsan zetmi scientist pakhat a si.

Athuhla siar na duh le hinah hmet – MIMI AUNG

ref:::nae.edu,women.jpl.nasa.gov,AncientCode