NINU IN FALAM AH LIBRARY A ONG CING DING

Ninu timi Yangon hrambun zatlang pawlkom pakhat cun hmaithla sungah Falam ah calai buuk (Library) phuan dingin timlaamnak an nei rero. Ninu pawlkom cu numi pawl hrangah bangraannak le thleidanna um lo dingin hmalaknak a nei reromi pawlkom an siih “Inntek si ngah lomi mikhual pawl” timi Chin miphun karlak ih nunau le mipa karlak thleidannak thuhla pawl research tuah in cabu tla rak suah dahmi pawlkom an si.

Ninu ih hotu a simi Mai Len Nei Cer @Cengte cun, “Falam ih kan nau le mino pawl casiar mi ziaza ngah ding le Mirang, Kawl, Lai ih nganmi cabu pawl hmunkhat te ih siar theinak hmun um ding duhsaknak thawn kan thok rero mi a si” tiah CH a sim. Atu ah ninu cun Chin Center ah library phuan thok dingin cabu pawl an khawl rero ih bu 400 hrawng an ngah zo tiah theih a si.

Falam ah mipi ih hlang theih, siar theihmi library 3 a um ih pian-cia-yi library, FBC ih James Ṭial Dum Library le CCIT ih tlawnginn Library pawl tla an si. Ninu library cu March thla sungah phuan ding tumtah a siih cabu hlangman ol te le nikhat nazi paziat lole zarhkhat sungah niziat an phuan ding timi cu an than sal leh ding.

ref:::CH