NORTH KOREA DAAN DANGLAM

Ram tinkim in kan ram nunphung thawn milaw in daan le duun kan nei cio ih North Korea ram ih daan danglam an nei mi tthenkhat

Three generations of punishment policy ti mi daan an nei ih Mi pakhat in sualnak a tuah asile thawng an thlak hlei ah a nu le pa, pi le pu, a fate tiang in a thawng tlaknak ah hnattuan an fial ve.

Ram tinkim deuh thaw kan hman mi ni le thla siarnak calendar an hmang ve lo. An ho tu Kim Il-Sung suah ni 15 April 1912 ih sin an siar thawk mi (Juche Calender) an hmang ih tu 2018 hi an ram ah cun 107 a si.

TV channel pa 3 lawng an nei. Channel pa 1 cu zaanlam tinten an suah ih Pa 2 cu weekends lawng ah an suah.

Bible, South Korean movie, Porn na zoh asile thih daantat tiang natuar thei.

An ho tu Kim Il-Sung le Kim Jong-Il thihni July 8 le December 17 ni ih Birthday puaituah an sianglo.

A thizo mi an hotu Kim Il-sung in a duhdan ih daan a rak tuahmi thleng an tum lo ih a fa le pawl in lal an ttuan sawng hnu khal ah tuni tiang an ram hotu dik tak ah an pom lai.

An ho tu Kim Jong Un vek ih sam met an sianglo. Sam an met tik ah mipa in sammetdan 15 lawng thlangding an nei ih nunau khal in 15 lawng thlangding an nei.

Cozah siannak um lawng ah computer an nei thei ih Ramleng thuthang duhduh in online ah an zoh theilo.

An ram hotu zuklem an tuahmi an zuk tik ah edit crop an sianglo. An dunglam zawng ih zuk khal an sianglo.

Kim Jong Il in a duhdan in a mah ten a thuanthu a ngan mi ah Vangro pahnih hnuai ah ka piang. Ka suah zaan ah Arsi thar pakhat a piang ve ih pathian vek ih zoh ding ka si a ti hlei ah nikhua (weather) ka control thiam a ti.