AN PAISA A KAANG NAN BANK PAWL IN THLENG SAK SAL

China:::Sichuan province, Longjie khua ih um lothlo mi Huang 81 le a nupi ih inn cu a kaang ih harsazet ih hnaṭuan in an khawl ṭhami paisa 30,000 yuan (US$4,750) pawl khal meisa ah a kaang tel.

An paisa kaang belcawng cu bank pawl in, in thlengduh pangah ti`n thleng an tum nan an khua bank pathum pawl cun an rak duhlo. Nan, vanṭhatnak ah Bank of Chengdu pawl cun an rak cohlang ih over time ṭuan in nazi 8 sung an zohfel hnu ah paisa fai in 22,850 an pek sal.

People Bank of China daanbu sungtavek asile paisa kaang nan ṭhenthum ih ṭhenkhat him mi le ziangzet ca asi timi number a lang cun bank ah thlengtheih sal a si ruang ah vanṭhatak in paisa pawl cu an ngahsal.

A kaangmi paisa
A kaangmi paisa

Ziangruangah cu zetzet Paisa Inn ah an ret
China khuate ih um lothlo tamsawn cun an khua ih bank pawl an zumlo ruangah paisa inn ih ret an tamsawn. A san cu bank pawl in an information hi an zuarbet ding an phang. Fa pakhat lawng nei siang mi ram an si vekin fate dang an nei thup ih an kaingah le paisa an kuanter ih an bank ta paisa an lak sak ṭheu.