PAISA NEI TAM ZUAM AW IN PAISA URKANG TU ZURI PAHNIH CAWHKUAN TONG

China ram ih zuri pahnih in zo si lian sawn ti zuamaw in paisa an urkang ruang ah police pawl in 1000 yuan ($160) an kuan ter.

China TV channel pakhat ih a report nak ah cawhkuantong pahnih hi dawr ah thil ei phah zuri in thu an el aw ih zo si paisa neitamsawn ti zuamaw in paisa an ur kang. 100 ca an ur kang thok ih mipakhat sawn in 500 ca na phorh ding hmang ka ti ih paisa naneilo le ṭonglo in um men aw tiah a ti.

Paisa an urkang lai cu mi pakhat in video a rak zuk ngah ih online ah a thlah. Police pawl in video an hmu veten zuri pahnih cu an hawl ih 1000 yuan fingfing an kuan ter.