PASAL LE A NAU HMAI RORI AH PAWNGSUAL TUAR

Nitinten nunau hmuhsuam thuthang siarding a um ringring nak Haryana, India ah misual group pakhat cun kum 22 mi nuanu, a pasal le a pasal nau hmai rori ah an pawngsual.

Pawngsual tuar nunau nu ih police hnen a report daan vek sile sungkua tongawnak puai an tuahnak ihsin an tlunglam ah an pa zunthawh dingin an motor ihsin a ṭum. Culaifang ah motor pahnih an kiangah a cawl ih mipa 4 an hungsuak. Mipa 4 cun ziangruangah hi nah nan cawl tin an suut hnu ah mi pakhat in nunau nu cu motor sungin a dirsuak ih a pawngsual. A rualpi pathum cun nunau nu ih pasal le anau cu meithal thawn khih in nan cangvai le kan lo kapthat ding ti`n an kil.

gurgaon_rape_
gurgaon_rape_

Duhtawk ih an cangvai hnu ah police nan sim asile kan lo thatṭheh ding ti`n an ṭhih ta ih an tlan hlo. Vanṭhatnak ah an pa in an motor number a rak hminsin man ih police hnenah a report hngalh.

Police pawl cun an hawl hngalh ih an pa 4 in an um nak Johalka village, Gurgaon ah an va kai cih.