PATHIAN PEKMI FIMTHIAMNAK HMANG IN MI BAWMTU Dr PAWL HI UPAT TLAK AN SI

Mi tthenkhat cun sibawi (Dr.) pawl hi zianghman tuah mumal lo in tohmun olsam ten paisa an lak lut rero men ah kan ruat ttheu, nan, a tlun ih zuk hin na ruahnak mal lai a lo thleng ding ka zum.

1987, Poland ram ih Dr. Zbigniew Religa in nazi 23 sung heart transplant surgery a nei hnu bang hnephnep ih a to lai le Dr. assistant Romuald Cichon room kiil ah cau tak ih a rak it-that lai National Geographic photographer James Stanfield in a zuk mi a si ih 1987 kum National Geographic picture of the year award tla hi zuk hin a dong.

Hi san lai ah Doctor pawl ih hmanrua thilri tha a um mumal lo ruangah mi tam zet cun a hlawhtling suak ding an zum lo nan a fimthiamnak hmuahhmuah hmang in nazi 23 sung cangvai in a hlawhtling ih Poland ram heart transplant surgery hlawhtling hmaisabik record tla a ngah cih.